Thyhet rekordi i shitjeve nga Tesla

Tesla ka raportuar fitimet më të mëdha të tremujorit të mërkurën duke thënë se shpreson që të arrijë ndërkohë objektivin për gjysmë milioni makina të shitura këtë vit.

Performanca e mirë dhe ambiciet ishin një lajm i mirë për investitorët, që kanë fituar më shumë se 400 për qind deri më tani, këtë vit. Aksionet e Teslas u rritën sërish në bursa pas publikimit të raportit të fitimeve.

Ka patur dyshime se Tesla nuk do të mund të arrinte objektivin për të shitur 500 mijë makina këtë vit, kjo edhe falë mbylljes së fabrikës së saj në Fremont të Kalifornisë, më herët, për shkak të pandemisë së koronavirusit. Ajo sidoqoftë, kishte shitur 319 mijë makina në tremujorët e parë të këtij viti.

Tesla raportoi të ardhura neto prej 874 milionë dollarësh, 156 për qind më shumë se një vit më parë, transmeton Top Channel. Analistët kishin parashikuar fitime prej 593 milionë dollarësh për kompaninë. Pritet ndërkohë që fabrika e Teslas në Kinë të luajë një rol akoma më të madh në ambiciet e saj globale. Në një bisedë me investitorët, drejtori ekzekutiv i teslas, Elon Musk, i njohur për vendosjen e objektivave ambiciozë edhe më herët, e mbajti nën kontroll entuziazmin dhe tha se sfida të mëdha e prisnin kompaninë përpara.

This website uses cookies. We may use them to evaluate site usage in order to display usage-based editorial content and advertising. For more information about cookies and, in particular, how you can opt-out of their use, please see our privacy policy. Privacy Policy

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close