ERA SHTET, fundi i kazinove ilegale në Karaçevë

Vendi ku po zhvilloheshin veprimtari ilegale në Karaçevë të Kamenicës, tashmë është rrënuar i tëri. Indeksonline ka raportuar ekskluzivisht për këtë aksion, ndërsa tani iu sjell pamje nga aty, të cilat janë bërë pak më parë, ku shihen objektet e rrafshuara.

Mbrëmë Policia e Kosovës, Inspektorati Policor i Kosovës dhe agjencitë tjera bashkëpunuese kanë ekzekutuar urdhërkontrolle në fshatin Karaçevë, komuna e Kamenicës, shkruan Indeksonline.

Operacioni ka filluar si rezultat i një hetimi gati njëvjeçar të udhëhequr nga Prokuroria Themelore në Gjilan, lidhur me pretendimet për veprimtari të paligjshme, përfshirë bixhozin e paligjshëm, trafikimin me njerëz, trafikimin me armë, trafikimin me narkotikë, kontrabandimin e mallrave dhe aktivitete tjera kriminale.

Sipas komunikatës së fundit të Prokurorisë, janë arrestuar gjithsej 33 persona të dyshuar, në mesin e tyre 10 zyrtarë policorë.

Ky operacion, i cili është operacioni më i madh i llojit të tij në Republikën e Kosovës, është një shembull i bashkëpunimit ndërmjet prokurorisë, policisë dhe inspektoratit policor.

Për këtë aksion ka reaguar edhe kryeministri, Avdullah Hoti i cili tha se ky aksion është dëshmi se institucionet e sigurisë janë plotësisht të afta për të garantuar rend dhe ligj për qytetarët e Republikës së Kosovës.

“U jam mirënjohës të gjithë atyre që me përkushtim e profesionalizëm planifikuan dhe zbatuan një operacion kompleks e delikat. Ky është vetëm fillimi i kthimit të NORMALITETIT në çdo fushë”, ka shkruar Hoti./Indeksonline/

This website uses cookies. We may use them to evaluate site usage in order to display usage-based editorial content and advertising. For more information about cookies and, in particular, how you can opt-out of their use, please see our privacy policy. Privacy Policy

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close