VV afër shkarkimit të Qeverisë Hoti

Marrëveshja e Uashingtonit me Serbinë ka rikthyer mundësinë e shkarkimit të Qeverisë Hoti, për të cilën gjë Lëvizjes Vetëvendosjes i nevojiten edhe 9 nënshkrime për mocionin e mosbesimit.

Kjo parti konsideron se Avdullah Hoti nënshkroi një marrëveshje të dëmshme për Kosovën dhe se ai duhet të shkarkohet.

Deputetja Albulena Haxhiu theksoi se është bërë shkelje kushtetuese me nënshkrimin e marrëveshjes ekonomike me Serbinë, më saktësisht pikën 7 kur flitet për Ujmanin.

“Në pikën 15 të marrëveshjes theksohet moratoriumin 1-vjeçar. Hoqën dorë nga pavarësia e Kosovës, kështu pezullohet aftësia për të qenë pjesë e familjes së organizatave ndërkombëtare. Kjo do të ketë pasoja të mëdha. Do të ketë pasoja të pariparueshme në raport me aplikim në organizata. Pasqyra e subjektivitetit dhe seriozitetit do të dëmtohet. Jo pa shkak anëtarësimi është përmendur edhe në pikën 9 të pavarësisë së Kosovës. Shkel Kushtetutën dhe deklaratën e pavarësisë”, ka shtuar ajo.

Haxhiu thotë se për procedim të mocionit të mosbesimit nevojiten edhe nëntë nënshkrime, por nuk është e sigurt nëse këtë do ta përkrahë edhe partia tjetër opozitare, PDK.

“Në momentin kur kemi nisur mocionin, po të njëjtën ditë iu kemi dërguar shkresë partive për përkrahjen e këtij mocioni. Ka pasur komunikime ndërmjet shefit të grupit parlamentar të VV-së dhe PDK-së, por ende nuk kanë konfirmuar nëse do ta përkrahin mocionin”, tha Haxhiu në një konferencë për media.

This website uses cookies. We may use them to evaluate site usage in order to display usage-based editorial content and advertising. For more information about cookies and, in particular, how you can opt-out of their use, please see our privacy policy. Privacy Policy

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close