OSMANI: NË KOSOVË S’KA ASNJË SHQIPTAR QË ËSHTË ANTIAMERIKAN

Vjosa Osmani në Prime Time në Kanal10 ka thënë se obligimet e marra nga Uashingtoni janë të njëanshme, si nga Kosova ashtu edhe nga Serbia, pasi ato kanë nënshkruar marrëveshje me SHBA.

Ajo ka folur edhe me takimet që ka pasur me ish-ambasadorin Richard Grenell.
“Me Grenell kam pasur takime dhe i kam dhënë shumë ide. Ne kemi diskutuar çdo ditë për ide të ndryshme. SHBA na kanë shpëtuar nga shfarosja. Në Kosovë nuk ka asnjë shqiptar që është antiamerikan.

Osmani ka folur edhe për seancën ku do të raportojë kryeministri Avdullah Hoti për takimet në Uashington dhe Bruksel.

“Kuvendi është i qartë sa i përket vijave të kuqe. Nuk mund të bisedohen çështje që rrezikojnë Kosovën dhe për tema që tashmë janë të përmbyllura”, është shprehur ajo.

Sipas saj, koalicioni LDK-AAK është i ndërtuar në bazë të interesave individuale, andaj dëmet që do t’i shkaktohen vendit do të jenë afatgjata.

Teksa ka folur rreth ushtrimit të detyrës së presidentit pas skadimit të mandatit të Hashim Thaçit, kryetarja e Kuvendit tha se këtë e parasheh Kushtetuta.

“E kam për detyrë, pasi që ashtu e parasheh Kushtetuta”, tha ajo, duke shtuar se nuk mund të ketë emra ‘nga jashtë’ për postin e presidentit./Insajderi.com

This website uses cookies. We may use them to evaluate site usage in order to display usage-based editorial content and advertising. For more information about cookies and, in particular, how you can opt-out of their use, please see our privacy policy. Privacy Policy

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close