Konjufca ia hap derën Vjosa Osmanit për bashkëpunim me Vetëvendosjen

Anëtari i kryesisë së Lëvizjes Vetëvendosje, Glauk Konjufca, i ka hapur derën Vjosa Osmanit të LDK’së, që është përjashtuar nga pozitat që mbante në partinë e Isa Mustafës.

Konjufca ka thënë sot se Osmani nuk ka thënë se aderon në LVV, por që tregon se dera e kësaj partie është e hapur për kryeparlamentaren.

“Ajo nuk ka thënë se do të vjen në LVV. Ajo LVV-në e ka përmend vetëm në kontekstin e një bashkëpunimi, që do të ndodhë. Ajo është zotuar për këtë dhe ne kemi këtë mendim”, ka thënë Konjufca në konferencë.

“Vjosa Osmani e ka dorën e shtrirë nga ana e LVV për një bashkëpunim që do të jetë çelësi i një fitoreje të paparë në historinë e pasluftës”.

Sipas Konjufcës është i paprecedent përjashtimi i Osmanit nga LDK’ja, që ndodhi në qershor të ketij viti.

“Të përjetosh përçmim nga partia jote derisa të vendosin për kandidate për kryeministre e pastaj të ndodhë përjashtimi i tillë është e pafalshme për çdo person që ka minimum të dinjitetit. Është e patolerueshme”.

“Pakënaqësia e shprehur nga Osmani është e kuptueshme nga qytetarët. Ka të bëjë me faktin që një njeri ndjehet i tradhtuar nga bashkëpunëtorët. Kur ju duhet të vendosin logo para qytetarëve pastaj fillojnë me procedura të “gjyqeve” brenda partisë për të të përjashtuar”.

“Osmani e ka ndërtuar identitetin e pavarur politik me mundin e saj edhe sa e kam përcjell qëndrimet e saj në politikë në dy muajt e fundit ajo ka shpreh idenë që ta vazhdojë alternativën e vet politike që e ka shpjeguar”.

This website uses cookies. We may use them to evaluate site usage in order to display usage-based editorial content and advertising. For more information about cookies and, in particular, how you can opt-out of their use, please see our privacy policy. Privacy Policy

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close