Medojeviq: Një nga vendimet e para të qeverisë së re malazeze të jetë tërheqja e njohjes së Kosovës

Lideri i Nismës për ndryshime në Mal të Zi, e që është pjesë e koalicionit opozitar “Për të ardhmen e Malit të Zi”, Nebojsha Medojeviq, ka thënë se qeveria e ardhshme e këtij vendi nuk guxon të marrë asnjë vendim që nuk i pëlqen Serbisë.

Koalicioni ku bën pjesë ai, së bashku me lëvizjen “E zeza mbi të bardhën”, që udhëhiqet nga shqiptari Dritan Abazoviq, është paralajmëruar se do të formojnë qeverinë e re.

Dhe Medojeviq thotë se një nga vendimet e para që duhet të merren është tërheqja e njohjes së pavarësisë së Kosovës nga Mali i Zi.

“Jemi dy shtete të ndryshme, por historia dhe interesat reale tregojnë se ne me Serbinë kemi lidhje të veçantë. Po ta udhëhiqja unë Qeverinë, gjëja e parë që do të bëja ishte tërheqja e njohjes se pavarësisë së Kosovës. Njohja e pavarësisë ishte turpi më i madh i pushtetit që po shkon. Mali i Zi nuk guxon të bëjë asnjë veprim që do të binte ndesh me interesat e Serbisë”, ka thënë Medojeviq, përcjell portali malazez CDM.

This website uses cookies. We may use them to evaluate site usage in order to display usage-based editorial content and advertising. For more information about cookies and, in particular, how you can opt-out of their use, please see our privacy policy. Privacy Policy

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close