B92: VUÇIQIT IU DORËZUA NË TAVOLINË LETRA PËR PRANIMIN E KOSOVËS

Mediumet serbe, si B92 dhe Blic.rs shkruajnë se presidentit të Serbisë, Aleksandar Vuçiq, që në fillim të takimit në Washington i është vënë mbi tavolinë letra për pranimin e pavarësisë së Kosovës.
Këtë informatë e kanë plasuar bazuar në burimet e tyre dy mediumet serbe, B92.net dhe Blic.rs.

“Gjithçka është përgatitur më herët, shqiptarët e kanë ditur”, ka thënë burimi i Blic.rs, bazuar në burimet diplomatike në Washington.

Ministri i Financave, Siniša Mali, deklaroi se ka një letër në tryezë në takimin në Shtëpinë e Bardhë, një pikë e së cilës nënkupton njohjen e ndërsjellë të Serbisë dhe Kosovës, dhe se ekziston një presion i madh ndaj Presidentit Vuçiq.

“Ne kurrë nuk kemi marrë një letër më të keqe që kur filluan negociatat me Prishtinën. “Kishte 16 pikë në letër, në tryezë, nga të cilat 10 pikë nënkuptojnë njohje reciproke,” u tha Mali gazetarëve, duke shtuar se kishte shumë pak tema ekonomike.

Kujtojmë se presidenti serb vazhdimisht, e edhe sot ka deklaruar se nuk do të ketë njohje reciproke dhe se Serbia do të qëndrojë në këtë pozicion.

Bisedimet ndërmjet Kosovës dhe Serbisë kanë nisur sot e do të vazhdojnë edhe nesër. Sipas administratës amerikane, temë sot do të jenë çështjet ekonomike, kurse për nesër është thënë se mund të jetë çdo gjë për çka palët pajtohen.

This website uses cookies. We may use them to evaluate site usage in order to display usage-based editorial content and advertising. For more information about cookies and, in particular, how you can opt-out of their use, please see our privacy policy. Privacy Policy

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close