CNN zbulon detaje nga çfarë pritet të ndodhë në takimin Kosovë-Serbi në Washington

Pas dy ditësh, administrata e presidentit të Shteteve të Bashkuara të Amerikës, Donald Trump do ta presë kryeministrin e Kosovës, Avdullah Hotin dhe presidentin serb Aleksandar Vuçiq në Washington, teksa do të përpiqet ta çojë përpara procesin e paqes pas përpjekjeve të bllokuara për shkak të mosmarrëveshje mes dy palëve, si dhe vonesave të shkaktuara nga pandemia e koronavirusit.

CNN ka mësuar nga një këshilltar pranë presidentit Trump, se bisedimet do të përqendrohen rreth krijimit të vendeve të punës dhe shpresës për krijimin e një momenti drejt vendosjes së lidhjeve ajrore, hekurudhore dhe rrugore midis dy kryeqyteteve, Prishtinës dhe Beogradit.

Një takim në Shtëpinë e Bardhë midis të dy palëve në qershor, me të dërguarin special të Trump, Richard Grenell, dështoi pas një padie për krime lufte të njoftuar për presidentin e Kosovës, Hashim Thaçi.

Përpjekjet për të mbajtur takime ballë për ballë, gjithashtu, u vështirësuan nga kufizimet e udhëtimeve për shkak të pandemisë COVID-19.

Grenell, ish-ambasadori amerikan i SHBA në Gjermani dhe ish-drejtori i përkohshëm i Inteligjencës Kombëtare, do të marrë pjesë në këto bisedime, së bashku me këshilltarin e Sigurisë Kombëtare, Robert O’Brien dhe zyrtarë të tjerë të lartë të administratës. Nuk është ende e qartë nëse Trump do të marrë pjesë personalisht në diskutime.

Këshilltari i lartë u tha gazetarëve se Grenell nuk po merr një pagë për angazhimin e tij, të cilin ai e vazhdon ta drejtojë edhe pasi u emërua këshilltar special i Komitetit Kombëtar Republikan.

Zyrtari i lartë tha se administrata Trump po punon ngushtë me homologët e saj të Bashkimit Evropian, të cilët janë gjithashtu të përfshirë në bisedime të ngjashme pajtimi me udhëheqësit serbë dhe kosovarë.

Presidenti Trump iu ka dërguar letra udhëheqësve të Serbisë dhe Kosovës, duke i nxitur ata të arrijnë një “marrëveshje historike” për një “marrëveshje gjithëpërfshirëse” që përqendrohet kryesisht në “njohjen reciproke”.

Kërkesa është një betejë e ashpër për Serbinë, e cila refuzon njohjen, duke e lënë Kosovën jashtë Kombeve të Bashkuara dhe shumicës së organizatave ndërkombëtare.

Ndërsa zyrtarët e Shtëpisë së Bardhë refuzuan të bëjnë krahasime të drejtpërdrejta midis përpjekjeve për normalizimin e marrëdhënieve midis Kosovës dhe Serbisë dhe përpjekjeve aktuale të normalizimit midis Izraelit dhe Emirateve të Bashkuara Arabe. Zyrtari i lartë tha se Shtëpia e Bardhë shpreson të shohë rezultate të ngjashme. Zyrtarët nuk pranuan të ofrojnë një afat specifik për këtë ndërmarrje ambicioze, e cila vjen vetëm dy muaj përpara zgjedhjeve presidenciale.

This website uses cookies. We may use them to evaluate site usage in order to display usage-based editorial content and advertising. For more information about cookies and, in particular, how you can opt-out of their use, please see our privacy policy. Privacy Policy

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close