Edhe një dhuratë për oligarkët, vajza e Blerim Devollit shpërblehet nga Ministria e Shëndetësisë me licencën për teste PCR të COVID-it

Ministria e Shëndetësisë i ka licencuar plotë spitale private me licenca për të kryer teste për COVID-19, shumicën për teste serologjike, mirëpo hisen kryesore të tortës e ka ndarë për një pjesëtare të familjes oligarke, vajzën e Blerim Devollit. Laboratori i saj është për momentin i vetmi që po kryen teste PCR në Kosovë, ani pse bashkë me të është licencuar edhe UBT, që për arsye të panjohura këta të fundit ende nuk po e kryejnë, duke ia mundësuar edhe një monopol vajzës së familjes oligarke Devolli.

Gazeta Express:
Posta dhe Telekomi i Kosovës ende po i lëpinë plagët prej dëmit që ia ka shkaktuar biznismeni Blerim Devolli, kurse udhëheqesit e shtetit të Kosovës nuk kanë vonuar për ta shpërblyer atë edhe me një kontratë tjetër fitimprurëse.

Ministria e Shëndetësisë i ka licencuar në Kosovë vetëm 2 laboratorë për kryerjen e testimeve PCR për COVID-19, njëri prej të cilëve është në pronësi të vajzës së Blerim Devollit, kurse tjetri i takon universitetit privat UBT.

“Medical & Laboratory Services” që sipas disa burimeve të Gazetës Express është në pronësi të Vlera Devollit, dhe është i vetmi  laborator që për momentin është duke kryer testime PCR për COVID-19, pasiqë UBT ende nuk ka filluar testimet.

Interesimi i qytetarëve për të kryer teste është shumë e gjatë, saqë për të arritur deri tek një termin në këtë qendër mjekësore lista e pritjes është shumë e gjatë, gjë kjo që flet për këtë lloj të biznesit.

Në një përgjigje për Express para 3 ditëve nga laboratorin Mjekësor Biokimik-Hematologjik “Medical & Laboratory Services Sh.P.K kanë thënë se deri më datën 2 shtator asnjë termin nuk është i lirë.

“Na vjen keq. Terminet deri më datë 2 shtator janë të zëna”, kanë thënë nga ky laborator.

Çmimi për një test PCR në Kosovë varion nga 65 deri në 80 euro, derisa për testim serologjik nga 15 euro deri në 35.

Pavarësisht se në qendrën e regjistrimit të bizneseve (ARBK) figuron që është në pronësi të Astrit Haxhismajlit, MLS –së i është ndërruar pronësia dhe pritet që këto detaje të rifreskohen së shpejti.

“Pronësia e laboratorit është shitur, pavarësisht që në qendër të regjistrimit figuron një emër tjetër pronari”, ka thënë ky burim në kushte anonimiteti.

Nga pronësia në këtë laborator është larguar edhe Jeton Shala. Ai një gjë të tillë e ka konfirmuar për Gazetën Express, duke thënë se tashmë Astrit Haxhismajli është njeriu kryesor në laborator dhe se nuk e di nëse ia ka shitur dikujt tjetër.

“Unë s’jam qe një kohë të gjatë aty. Nuk e di nëse i është shitur dikujt tjetër. Emri im pas disa dite do të largohet nga aty dhe do të ndryshohen të dhënat”, ka thënë Jeton Shala për Express.

Gazeta Express gjithashtu sot gjatë ditës ka dërguar pyetje të detajuara në adresë të Medical Laboratory Services rreth pronësisë së laboratorit.

Ministria e Shëndetësisë ka licencuar deri më tani 29 laboratore për kryerjen e testimeve për COVID. Vetëm dy ta kanë arritur që të fitojnë licencë për kryerjen e testit PCR.

Kjo nuk është hera e parë që kjo familje arrinë të përfitojë prej tenderëve të shtetit të Kosovës. PTK është vetëm njëra prej viktimave të tyre, ndoshta kryesorja. Të gjitha partitë politike në vend gjatë fushatës zgjedhore u zotuan që pas zgjedhjeve, nëse ato e fitojnë pushtetin, do ta ndërpresin kontratën monopoliste për homologim. Në vend të kësaj, krejt cfarë pamë prej kësaj qeverie është edhe një kontratë tjetër për familjen Devolli. /GazetaExpress/

This website uses cookies. We may use them to evaluate site usage in order to display usage-based editorial content and advertising. For more information about cookies and, in particular, how you can opt-out of their use, please see our privacy policy. Privacy Policy

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close