Ja sa qytetarë dolën pa maska e qëndruan jashtë pas orës 22:30

Qeveria e Kosovës në fund të muajit korrik pati marrë vendim që të lehtësohen disa masa të cilat ishin aplikuar më parë në luftën kundër pandemisë Covid-19, shkruan IndeksOnline.

E në mesin e këtyre masave të reja ishin edhe ato për shtyrjen e qarkullimit për qytetarët kosovar deri në ora 22:30.

Pas kësaj kohe qytetarët nuk mund të lëvizin.

Ndërkohë edhe vendosja e maskave në hapësirat publike vazhdon të mbetet në fuqi, deri në një vend tjetër.

Mirëpo një numër i qytetarëve kanë vendosur t’i sfidojnë organet e rendit, duke mos respektuar këto masa.

Në një përgjigje për IndeksOnline, Policia e Kosovës ka treguar se gjatë muajit të fundit në mbarë vendin janë shqiptuar mbi një mijë gjoba, apo janë hapur raste për mbi 1 mijë e 700 qytetarë, të cilët nuk kanë respektuar vendimet e institucioneve shtetërore në luftën kundër Covid-19.

“Referuar kërkesës suaj ju informojmë se, Policia e Kosovës në zbatim të vendimit të Qeverisë së Republikës së Kosovës, sipas kodit penal në koordinim me organet e drejtësisë ka hapur mbi 1700 raste (neni 249/250)”, thuhet në përgjigjen e Zyrës për Informim të Policisë së Kosovës.

Ndryshe Policia e Kosovës së bashku me Inspektoratin Sanitar, shihet vazhdimisht duke operuar nëpër rrugët e qyteteve dhe duke këshilluar qytetarët që të bartin maskat dhe të përfillin vendimet e qeverisë, duke ruajtur kështu njëri tjetrin.

This website uses cookies. We may use them to evaluate site usage in order to display usage-based editorial content and advertising. For more information about cookies and, in particular, how you can opt-out of their use, please see our privacy policy. Privacy Policy

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close