Vjen lajmi i fundit nga LDK për presidentin, propozohen dy emra për të parin e vendit

Zyrtari nga Lidhja Demokratike e Kosovës, Naser Rugova, ka thënë se akademikët si Rexhep Ismajli ose Jusuf Buxhovi do të ishin kandidatë briliantë për pozitën e presidentit.

Rugova ka shtuar se çdo prezantim i Ismajli apo Buxhovit në arenën ndërkombëtare, do t’i bënte nder shtetit dhe popullit të Kosovës.

“Nganjëherë nevojiten intelektualët e mirëfilltë që kuptojnë nga proceset politike, historia dhe diplomacia”.

“Për shembull, kandidatë brilantë për president do të mund të ishin akademik Rexhep Ismalji dhe Jusuf Buxhovi”.

“Kush mund t’i kontestojë këta nga aspekti i njohurive të proceseve politike?”.

“Kanë qenë pjesë e atij ideimit të konceptit të Kosovës si shtet i pavarur, flasin gjuhë të huaja, kanë njohuri të thella, kanë edhe miqësi personale qoftë në rrafshin diplomatik dhe atë intelektual”.

“Thjeshtë nuk janë aktiv në parti politike, por të dy janë të afërt me LDK-ë dhe në momente të caktuara kanë bërë distancë dhe mund të kontribuojnë, mund ta unifikojnë popullin”.

Rugova ka shtuar se ka edhe mjaft personalitete të tjera që kanë dije, guxim, vullnet që çështjen e Kosovës ta çojnë tutje dhe të hapin perspektiva të reja për rininë.

“Çdo prezantim i tyre në arenën ndërkombëtare na bën neve nder si shtet dhe popull. I përmenda këta dy emra sepse kam guximin politik edhe intelektual. Në LDK kultura e debatit dhe propozimit nuk censurohet”.

“Jemi lodhur nga politikanët nga pak të ngjyrosur; prandaj i përmenda këto dy personalitet. Njoh edhe me dhjetëra personalitete të tilla të cilët do t’i afronin subjektet politike”.

“Konsideroj se do të ishte emancipim politik që subjektet politike t’i pranonin personalitetet e tilla. Do të ishte një vendim kualitativ që do ta ndihmonte shumë këtë vend dhe do të hapte koncepte të reja. Do të ishte një mesazh i fuqishëm te miqtë ndërkombëtarë”.

This website uses cookies. We may use them to evaluate site usage in order to display usage-based editorial content and advertising. For more information about cookies and, in particular, how you can opt-out of their use, please see our privacy policy. Privacy Policy

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close